بودى2007
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

رسايل الاسطى حراجي القط لزوجته فطنه احمد عبد الغفار, عبد الر

اذهب الى الأسفل

رسايل الاسطى حراجي القط لزوجته فطنه احمد عبد الغفار, عبد الر Empty رسايل الاسطى حراجي القط لزوجته فطنه احمد عبد الغفار, عبد الر

مُساهمة من طرف تيتو السقا الجمعة ديسمبر 07, 2007 6:50 am

القصيدة دي عباره عن مجموعة رسايل ولو جتلي ردود انها هاتعجبكم هاكمل الباقي على
هيئة ردود لو معجبتش موش هاكمل خالص







أسوان ...
الرسالة 1


الجوهرة المصونه
والدره المكنونه
زوجتنا فاطنه أحمد
عبد الغفار
يوصل ويسلم ليها
في منزلنا الكاين في جبلايه الفار





أما بعد .. لو كنت هاودت كسوفي ع التأخير
سامحيني يا فطنه
في طول الغيبه عليكم
وأنا خجلان .. خجلان .. وأقولك يا زوجتنا أنا خجلان منكم
..
من هنا للصبح ..
شهرين دلوقت ..
من يوم ما عنيكي يا فاطنه .. بلت شباك
القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي
جوابي جي ... ))
نهنهتي .. وقلتي لي بعتاب:
(( النبي عارفاك كداب ..
نساي
وعتنسى أول ما عتنزل في أسوان .. ))
حسيت واليد بتخطفها يد
الجدعان
بالقلب ف جوفي ما عارف ان كان بردان .. دفيان
والبت عزيزه والواد
عيد
قناديل في الجوف .. زي ما بتضوي .. بيقيد ..
.......... والقطر إتحرك
..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من
الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه
داس على بصة نار ..
ولقطت الحس قريب .. قد ما كنتي بعيد :
(قلبي معاك يا
حراجي هناك في أسوان ..)
...........................
ورميت نفسي وسط الجدعان
.. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها
بمشوار .
سامحيني يا فطنه على التأخير ..
ولو الورقه يا بت الخال تكفي

لأعبي لك بحر النيل والله بكفيِ
وختاماً ليس ختام ..
بابعت لك ِ

ليكي ولناس الجبلايه ولبتي عزيزه والواد عيد
ألف سلام
زوجك ... لوسطى
حراجي




وبكده انتهت الرساله الاولى من الاسطى حراجي وفي الرساله التانيه
هنشوف الرد بتاع مراته السيده فاطنه هيا اللي بترد عليه

تيتو السقا
تيتو السقا
المشرف
المشرف

ذكر
عدد الرسائل : 88
العمر : 43
البلد : egypt
العمل/الترفيه : النت
تاريخ التسجيل : 28/10/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى